Persoas con experiencia, perfís distintos e unha mesma forma de entender o territorio.

Celtia Traviesas Méndez

Conta con case 20 anos de experiencia multidisciplinar na empresa privada, na Administración pública e en medios de comunicación como La Vanguardia ou La Voz de Galicia. Traballou como asesora parlamentaria europea nas comisións de Medio Ambiente, Saúde Pública e Seguridade Alimentaria, así como na de Agricultura e Desenvolvemento Rural. É enxeñeira técnica agrícola e conta cun máster universitario en Xestión Sostible da Terra e do Territorio pola Universidade de Santiago de Compostela e cun máster en Xornalismo pola Universidade de Barcelona e a Columbia University de Nova York.

Pero, ademais, é bisneta dun mineiro da Pontenova e sempre quixo regresar ao seu lugar de orixe.

Antonio Varela Sánchez

É enxeñeiro técnico de Obras Públicas e técnico superior en proxectos de Enxeñaría Civil. Ademais, ten formación en albanelaría e en instalacións eléctricas de alta e media tensión, e é inspector acreditado.

Incorporouse á empresa en 2021 e é socio desde 2025.

O seu perfil multidisciplinar e autodidacta, xunto cos seus sólidos coñecementos das actividades e habilidades propias do mundo rural, foron fundamentais para desenvolver e consolidar todas as áreas da empresa desde os seus inicios.

Julio Quintas Rey

É psicólogo sanitario e guía de media montaña, e conta con máis de 30 anos de experiencia na atención ao público e na formación de equipos.

Encárgase da xestión dos recursos territoriais, deseña as experiencias e coordina o equipo de monitores da “Tirolina das Minas”, así como o persoal do Museo da Cuchillería de Taramundi e da Casa del Agua de Bres. Ao mesmo tempo, continúa exercendo como psicólogo no medio rural.

Paula López Enríquez

É licenciada en Economía e en Administración e Dirección de Empresas pola Universidade de Oviedo e conta con máis de 15 anos de experiencia profesional. O seu traballo conecta a planificación económica coa xestión administrativa e contable, cunha visión integral que permite transformar as oportunidades de financiamento en proxectos viables e executables.

O seu papel é clave para anticipar as necesidades económicas, planificar os procedementos administrativos e de contratación e prever desde o inicio os requisitos de xustificación de cada proxecto.

Jorge Macía González

É graduado en Historia e traballa como guía no Complexo Histórico e Recreativo das Minas Consuelo e Boulloso, na Pontenova (Tirolina das Minas).

Claudia Pardo Portos

É educadora ambiental e guía na Casa del Agua e no Museo da Cuchillería de Taramundi.