Asistencia técnica para a mellora da gobernanza da ría de Betanzos
A Asociación de Desenvolvemento Rural Mariñas–Betanzos confiou a Xesteco a asistencia técnica do proxecto para a sustentabilidade dos recursos pesqueiros, ambientais e turísticos da ría.
O proxecto buscou mellorar a gobernanza da ría de Betanzos e definir os seus retos de futuro mediante a cooperación e a participación dos axentes implicados.
O traballo de Xesteco incluíu:
- Estudar a situación socioecolóxica e legal da zona.
- Identificar os axentes clave, as iniciativas en marcha, as entidades responsables e os resultados obtidos.
- Organizar tres xornadas participativas para fomentar o diálogo e mellorar a gobernanza.
- Elaborar conclusións e definir obxectivos de futuro.